نفساني

نفساني (https://www.nafsany.cc/vb/index.php)
-   ملتقى أصحاب الوسواس (https://www.nafsany.cc/vb/forumdisplay.php?f=59)
-   -   اختي الملكه قمر وام عيالها وام حنين وهمتي رضي ربي (https://www.nafsany.cc/vb/showthread.php?t=102708)

نسائم جنوبي 02-12-2014 01:29 PM

اختي الملكه قمر وام عيالها وام حنين وهمتي رضي ربي
 
السلام عليكم
لاحظت انكم أكثر ناس تشكون من وسواس الموت
ممكن اساعدك لكن ابي منكم شي واحد
انكم ما تتعدون هالصفحه ولا تقراون اي شي يخص الوسواس

إذا ممكن عطوني خبر علشان ابدا معكم مرحله مهمه لكن لو طلعتو برا هالصفحه ما راح تستفيدون شي
واي شخص يعاني يشرفني في هالصفحه


اسال الله العلي القدير ان يعيني علي تقديم المساعده لكم جميعا
ويكون في علمكم فيه شخص كان معكم في المنتدى تعافي تماما لأنه انتبه لكلامي بعد الله لاني مجرب الوسواس وتشافيت منه

همتي رضى ربي 02-12-2014 01:43 PM

ان شاءالله راح اكون بصفحه هذاان شاءالله
بس نستفيدان شاءالله

ايمان انفال 02-12-2014 01:55 PM

السلام عليكم
يعني ممنوع قراءة موضوع اخر هيك قصدك

ام عيالها 02-12-2014 01:58 PM

جزاك الله خير اخوي
ان شاءالله ربي يقدرك وتساعدنا ونساعد انفسنا
بأنتظارك نسائم جنوبي

نسائم جنوبي 02-12-2014 02:01 PM

الله يحييك والله يشفيك ويشفي كل مبتلي


أول شي ابيه منكم بدايه الوسواس معكم لأن تعرفون العلاج مراحل وراح اضرب لكم مثال


الآن الضرس إذا التهب واحتاج خلع هل يتم خلعه مباشره?

طبعا لا
لازم يعالج السبب في وصول الضرس الي مرحله الخلع وبعدها يتم خلعه من جذوره

فأنتم هناك اسباب جعلتكم تصلون إلى مرحله الوسواس وتصديق افكاره السلبيه لابد من معالجتها اولا وهي بطرق بسيطه جدا

أما أن تكون اسباب عائليه أو اسباب اجتماعيه أو ماديه

وأحيانا تقرب الشخص إلى الله بعد غفله يحدث معه وسواس أو أو كان يعمل معاصي ثم تاب إلى الله أيضا يبدا الشيطان يوسوس له ويخوفه لانه ترك المعاصي ويبي يجيه من باب ثاني

واشيا كثير لازم تفهمونها ويكون في علمكم الخروج من هذا الوسواس بسيط لكن يتطلب أمرين فقط

الأول. التوكل على الله

الثاني العزيمه والاصرار علي تحدي الشيطان ومعرفه انه لا يصيبنا إلا ماكتب الله لنا

همتي رضى ربي 02-12-2014 02:10 PM

انابديتي مع الوسوس والخوف من الموت اول شي كنت برمضان وكنت بدوره المياه اعزكم الله وكان الوقت صباح وكان عليناغباروهواءقوي وفجاه حسيت بكتمه وكان روحي بتطلع وطلعت ركض على امي ابكي واصيح واقولهابموت وكذا بعد ماهديت وهومعي الوسوس والخوف يمكن قعدت رمضان كله وبعيدين الحمد الله راح عني وقبل 7شهور كان ضرسي يوجعني وهوضرس العقل اغمى علي بسببه نفس الحاله الاولى جاني واصيح وابكي واقولهم بموت وكذا
ومن ذاك الوقت وهومعي
بس كان يروح ويجي ومن رمضان وهويزيدمعي

اللحين مني اكتب يوسوسلي يقولي اني بموت علشاني تكلمت باللي جواي
وهذاقصتي باختصارمع بدايه الوسوس

نسائم جنوبي 02-12-2014 02:33 PM

أبي منكم شي آخر ابي الشي الي يخوفكم منه الوسواس اللعين اعملوه مباشره بدون اي تردد

مثلا يخوفك من الخروج مباشره اخرجي أو يخوفك من مكالمة شخص معين مباشره خذ الجوال وكلم

لازم تستخدمون الحرب المباشر

لازم يكون فيه عكس مباشر للشي الي اخاف منه بالمواجهه حتى لو كنت خايف واجهه مره مرتين ثلاث لين ينكسر الحاجز الوهمي الي يسبب لك رعب


هذي الطريقه اتمني استخدامها من الآن الآن ارجووووووكم وبدون تردد واذا جاك الوسواس وقال أنت واجهت الشي هذا ويبدا يوسوس عادي كمان واجه وخلك مصرررررر علي المواجهه

ام عيالها 02-12-2014 02:40 PM

بدايتي مع هالوسواس الله يفكني منه قبل سنتين مره سافر زوجي وجلست لحالي انا وعيالي كالعاده موجديد دايم يسافر واجلس لحالي سافرالعصر تعشيت اناوعيالي نومتهم ع الساعه تسع ورحت اتفرج ع التلفزيون فجئه بطني مغصني والم قلت يمكن من البيض المقلي اللي تعشيناه شربت ينسون مافاد بعدشوي بديت احس اني موفي وعيي موطبيعيه فيني قلق وخوف واني لونمت مابصحى وعيالي ماعندهم احد احساس صعب والله اني ابكي الحين وانا اكتب اتذكر نفسي قبل سنتين والحين الحمدلله على كل حال خلال هالسنتين عانيت من اختلال الآنيه وكأني في حلم مره يخف ومره يشتد احاسيس متعبه جسدياونفسيا تحول وسواس الموت لوسواس المرض معاي صداع خفيف متنقل في الراس مره مسبب لي توتر ومزود همي الله يفرج همي وهمومكم يارب يا كريم

همتي رضى ربي 02-12-2014 02:47 PM

هذاالشي دايماابي اسوي عكسه احس صعب شوي والله بعض الاحيان انجح فيه وبعض لا

ام عيالها 02-12-2014 02:59 PM

فعلاعكس الفكره له نتائج ايجابيه مع الاستمرار تغلبت عليه بدون ادويه بس بهالطريقه وكانت اموري ماشيه تمام الحمدلله لين صابتني جرثومة المعده وهدت كل اللي بنيته واستسلمت وكملها الصداع اللي ماسك فيني لاحول ولاقوة الابالله

أملي الجنة 03-12-2014 01:44 AM

بدايتي مع الوسواس كانت نوبة هلع بدون سابق إنذار
لا اخفي ان عشت ضغوط نفسية لكن ليس باليد حيلة و كنت أقاوم حتى اتحدى هذه الضغوط
يومها بالليل حببت انام لكن ما ان ذهبت للفراش بدأني صداع تقلبت و لم استطع النوم فقمت توضات صليت اول ركعتين عادي ثم هممت بالثانيتين و في الركعة الثانية جاتني كل أعراض نوبة الهلع و بشكل حاد
قلت خلاص و بدأت اجري بين أطفالي وفيات زوجي
ذهبنا للطوارئ و الفحص كان عادي و لله الحمد و أعطوني مهدا رجعت عالبيت و ثاني على طبيب العيلة الذي اجرى كل الفحوصات و بعثني لتقريب كل الاختصاصات و النتائج الحمد لله سليمة
لكن نوبات الهلع كانت تتكرر معي بكثرة و قوة و لم أكن اعرفها او سمعت عنها من قبل و لا احد من الأطباء كشف معاناتي و اكثر ما قالوه انه اكتئاب
و بالصدفة بعد ستة شهور عرفت أنا ما يصيبني هو نوبات هلع لكن كان الوسواس عشش في راسي
لم أخذ دواء و لكن أتعالج سلوكيا و فعلا قالت لي يجب معاكسة الفكرة و بدأت بالاشياء الخفيفة
يزيد الوسواس معي عند قروي مناسبات مواعيد مربوطة بتواريخ او سفر
جزاك الله خيرا

فاااتن 03-12-2014 02:32 AM

انا مصابه بنشاط الغده الدرقيه واهملت دوا الغده كم يوم بدون سابق انذار جاني نوبة هلع بعدها انتكست
وسواس وخوف وقلق صار لي شهرين ونص لدرجة اني اعتذرت ذا الترم وانا اخر سنة بالجامعه اهلي كانوا رافضين فكرة دكتور نفسي
حتى رحت لموعدي الغده شافتني الدكتوره كيف كنت قلقه ومتوترة على طول حولتني لدكتور نفسي لما رحت له قال انه معي اكتئاب مدعوم بالقلق
صرف لي سبرالكس 20 اخذه بالنهار وميزراجن اخذه بالليل طبعا اول مابديت اخذه زادت علي الحاله بديت اتحسن خفت الأعراض وصرت انام بس باقي فكرة الموت
صح انها اخف من قبل تزيد علي لما اقوم للصلاه عرفت انه من الشيطان قبل كنت مقصره مره بالصلاه والحمدالله على كل حال ماصابنا الا تكفير وتهذيب ولأن الله يحبنا
ابتلانا بأخف شي مابتلانا بأمراض مستعصية ..

نسائم جنوبي 03-12-2014 06:27 AM

صباح الخير جميعا أوصيكم بقراءة سورة. ق

أكثر من مره

ولي معكم بعض الخطوات المفيده لكم

همتي رضى ربي 03-12-2014 06:33 AM

ان شاءالله
لكن متى راح تعطيناتجاربك نحن متشوقين
كانك تاخرت شوي عليناااااااااا

ايمان انفال 03-12-2014 11:44 AM

صباح الخير انا بداياتي مع وسواس الموت كانت في سن 17 بدون سابق انذار نوبة هلع و بعدها وسواس موت دام شهرين و نسيته بعد 10 سنوات في رمضان اصابتني نوبة هلع خفيفة نبض قوي وخوف فقط بدون اعراض اخرى وبعد ايام بدات الكتمة في صدري تقل و تعود حتى وصلت ذروتها اخر رمضان و لم استطع التحمل و بدات بالبكاء دون سبب و بدا الخوف الشديد من الموت و الافكار السلبية و الاكتئاب و الكتمة و الغصة و الاحساس بقرب الاجل الحمد لله الان انا احسن احاول تغيير افكاري و الصبر و لا اخفيكم هذا الاضطراب او المرض اي القلق الحاد و الوسواس صعب جدا الحمد لله على كل حال

همتي رضى ربي 03-12-2014 11:48 AM

صادقه والله
اللحين جاتني خوف وقلق وسواس
في الصباح كنت طبيعي الحمد الله اللحين واناقاعده اغسل المواعين جاني شي يقولي بتموتين خلاص انتهت حياتك
خاااايفه ):
تعبت والله اه اه الحمد الله

ايمان انفال 03-12-2014 12:11 PM

اكملي غسل الصحون ثم افعلي شيء اخر و استغفري راح تمر سترين ان شاء الله ستمر
انا كنت اقول في نفسي اذا لم يحدث شيء اليوم لن اخاف المرة الجاية ثم تعود الحالة و اقول نفس الشيء تصوري

أملي الجنة 03-12-2014 12:19 PM

إيمان اختي و الله كيما إنتي كل مرة نقول هذي المرة التالية

ايمان انفال 03-12-2014 12:55 PM

لازم نصبرو ان شاء الله تروح يا رب

نسائم جنوبي 03-12-2014 01:45 PM

أهلا اخواتي واخواني

كنت مثلكم جاتني نوبة هلع بدون مقدمات وكنت لوحدي بالبيت وزوجتي في منطقه ثانيه
وبعدها بدا معي الخوف لكن النوبات جاتني تقريبا مرات معدوده وراحت ولازمني الخوف والأفكار

في الصلاه أخاف والنوم والسفر والمناسبات والأعياد واي شي يمر عليه اربطه بالموت
صرت عصبي ماحب اي شي ولا فرح الحمدلله علمت اشخاص الي عندي وعلموني انها وساوس وساعدوني بالتخلص منها بعد الله


ابيكم تعرفون شي أنها مجرد اوهام والاعراض الي تحسون فيها كلها مجرد اوها

أعرف أن الاحساس قوي لكن أنتم أقوى منه

همتي رضى ربي 03-12-2014 02:05 PM

من جد شي قووووووووووووي
اول جاتني الحاله الخوف وشي مدري كيف يقولي خلاص بتموتين وحياتك انتهت واليوم اخريوم لك
علشاني بديت اطنشه واسوي عكسه يزيد بالوسوسه
واللحين اذسويت عكسه يقولي تراك من اللي بيموتون اليوم
وتجين الخووووووف34dfr

نسائم جنوبي 03-12-2014 02:33 PM

إذا قال بتموتين قلي عادي بموت وشفيه


مره مرتين ثلاث يصير عادي

ام حنين 03-12-2014 03:22 PM

هلابك اخووي
فعلا انا صرت اسوي عكس الي يخوفني منه الوسواس

خفيت لكن لازال الوسواس وتحاول التغلب عليه

همتي رضى ربي 03-12-2014 05:58 PM

سلام عليكم
مساءالسعاده
ياجماعه انالي فتره مع ضيقه واحس اني قلبي يوجعني
خااااااايفه اني فيه شي بقلبي
يعني هذا وهم ولاحقيقه
خاااااايفه وربي

أمل الروح 03-12-2014 08:15 PM

اخي نسائم الجنوبي يعطيك العافية اخي و يجازيك خير ،،

و كل الشكر لك على هذه البادرة الرائعة لمساندة و دعم الاخوات الكريمات ،،

الله يعافي الجميع ،،

نسائم جنوبي 04-12-2014 01:14 PM

العفو أمل الروح هذا واجبنا تجاه اخواني



عطوني أخبارك مع التطنيشص كيف سويتو ماشي ولا ضاغط عليكم الوهم

نسائم جنوبي 04-12-2014 01:19 PM

أخواتي وينكم اخواني وينكم


أخ بس لو اعرف ازواجكم كان اخليهم يتزوجون عليكم علشان من فجعتكم يطير الوسواس من روسكمudjdudud

أم عيالها أم حنين همتي رضى ربي الملكه قمر

هات علومكم تعالوا نضحك على الوسواس

عطوني اضرف موقف صار معكم بسبب الوسواس😁😁😁

همتي رضى ربي 04-12-2014 01:54 PM

والله بنسبهالي زاد عندي الوسوس والخوف بقوه
احس اني بوعي مدري كيف34dfr

همتي رضى ربي 04-12-2014 01:57 PM

صح اول شي مني بديت اطنشه ارتحت بعدين بدا يزيد بالوسوس بقوه
ياخي انااخاف من موت الفجاه
انا كل ماسمعت خبر وفاه ولاشي من كذا يزيد
ايش اسوي

ام عيالها 04-12-2014 02:42 PM

مساءكم راحة بال عسى ربي يمنحني اياها وياكم
صارلي فتره متوتره وصداع متنقل براسي مايخف بالمسكنات والله مره مخوفني ومسبب لي قلق احاول اتجاهله عساه يروح ولافاد التطنيش مشكلتي اني مقتنعه ان الموت حق وكلن بيموت ولحد يعرف متى يومه بس الوسواس يشككني ويوهمني اني بطيح بين زوجي وعيالي والله شد بأخر راسي ضاغط علي مدري كيف اوصفه وفيني وخز بجسمي كله وزي الرجفه فيني نوم وموقادره انام وقلبي فيه خفقان كنت انتظر الويكند بكل شوق الحين ابكي في غرفتي يارب فرج همي ساعدوني لاتبخلوا علي اللي مر عليه زي اعراضي من شد الراس المتنقل مره قدام مره ورى تكفوووون ساعدوني ارجوك اخوي نسائم جنوبي وش اعراضي هاذي وسوست اني بموت يارب رحمتك

نسائم جنوبي 04-12-2014 04:33 PM

هلا بالغاليه أم عيالها

الحين ابيك تركزين معي في شي واحد وابيك تحطين هالكمتين براسك تماما

الاعراض الي تحسين فيها معظمها من الوهم احساس وهمي والمعظم الاخر من القلق

والله اني كنت كل يوم في مستشفي افحص واطلع سليم

أنا الي ابيه منك انك اذا حسيتي بأي عرض وهمي على طول توضي بما بارد

كمان ابي تكون الابتسامه متواجده معك حتى تبتسمين مع نفسك عادي

لأن الابتسامه تعطي افكار ايجابيه

انتبهي من أفكار ابليس والله بس يبي يحزنك خليك أقوى منه يابطله😁😁

نسائم جنوبي 04-12-2014 04:36 PM

هلا همتي رضى ربي

واصلي التطنيش اضغطي على نفسك ولايهمك اي وسواس مهما كانت قوته

والله مع الاصرار انتي الربحانه

نسائم جنوبي 04-12-2014 04:41 PM

يالله شدووو حيلكم انتو الحين في مسابقه ابي اشوف من الربحان فيكم


تكفون تكفون تكفون وقتكم لا يروح وسعادتكم لاتروح وضحكتكم بسبب وهمممممم

تكفون خلووكم أقوياء مثلي😄😄😄😄

تذكروا كم من وقت راح عليكم مع الوهم بدون اي فايده

افتحو صفحه جديده بعيده عن اليأس
فديت اخواتي بانتظار أخباركم الحلوه

ام عيالها 04-12-2014 05:00 PM

الله يسعدك ويرزقك ماتتمنى على هالكلام الطيب
بس الدوخه والصداع مره متعبتني نفسيا زوجي يقولي كله اوهام اللي فيني وانا اشتكي من راسي وفحصت نظر وانف واذن وحنجره بس حساسيه بسيطه فالانف وصرف لي قطره الله يجزاك خير قولي هل الصداع والدوخه والرجفه اعراض نفسوجسديه لانها مقلقتني احس حتى مقدر اركز وصدري يوجعني اليوم زادت هالاعراض المفروض اطلع بيت اهلي بس متوتره من الدوخه والرجفه يارب رحمتك

نسائم جنوبي 04-12-2014 05:22 PM

ايه هذي اعراض نفسو جسديه تحسين فيها لكن ما لها أساس في الوجود

بعدين حاولي تبتعدين شوي عن القلق

والله اني كنت مثلك احس بصداع ودوخه في مؤخرة الراس وزغلله بعيوني

بس مايمنع خذي بنادول احمر حبتين ممكن انك تعرضتي لبرد

إذا جاك اي عرض لا تفكرين بطريقه سلبيه عادي فكري زي ماكنتي تفكرين قبل الوسواس
إذا جاك صداع قلي اكيد برد أو إرهاق لا تفكرين أنه مرض خطير أنا مجرب وضعك

بعدين ابيك انتي وغيرك ماتفتحتون اي موضوع يخص الوسواس ولا تتعمقون فيه خلوكم بس هنا بهالصفحه أرجوكم

نسائم جنوبي 04-12-2014 05:27 PM

أم عيالها زبطي نفسك وعيالك وروحي بيت اهلك واستانسي وفليها وكيدي الشيطان

خليك متفائله وصدقيني مع السوالف والضحك يروح أبو الوسواس

لا تظلمين نفسك الدنيا حلوه والله مايرضى على الشي الي تسوونه في أنفسكم

ابي خميسكم فله 😄😄😄😄

ام عيالها 04-12-2014 05:33 PM

الله يريح بالك من كل هم ويسعدك في الدارين
وان شاءالله لوربي كتب ورحت الحرم اخر الليل بدعي لك
ان شاءالله بس وش الدعوه اللي تبيها
الحمدلله توضيت وحطيت موية ورد بعد باقي فيني القلق
بس بحاول اتغلب عليه ان شاءالله وفعلامشكلتي اني افكر
ان فيه شي خطير براسي لاحول ولاقوة الابالله لان الشد في
اليمين بس وع الرقبه واقلقني بس ان شاءالله بطنش
وترى ماتعديت هالصفحه لاني فعلا اتأثر كل ماقريت شي
والله يفرج همك ويرزقك من حيث لاتحتسب طمنتني دام انك مريت
في هالاعراض

ام عيالها 04-12-2014 05:35 PM

اخر استفسار عادي حبتين بندول احمر مع بعض مره واحده؟لاني اخاف من الادويه كمان
وقبل الظهر خذيت سابوفين حبه بس ؟مدري وش اخذ سابوفين اوبندول؟

نسائم جنوبي 04-12-2014 05:54 PM

عادي خذي حبتين ماهي مشكله

أبيك تدعين لي بخير الدارين الدنيا والاخره ويقضي ربي عني الدين

ويشفي كل واحد في هالمنتدي وخارج المنتدى


وادعي بكل دعوه تدعين فيها لنفسك

نسائم جنوبي 04-12-2014 05:58 PM

أم حنين وهمتي رضى ربي وينكم😎😎😎

ليش غايبين اليوم عن المحاضرات عليكم إنذار وخصم وكرت اصفر

أخباركم وش مسويين


الساعة الآن 11:38 PM

Powered by vBulletin® Version 3.8.11
Copyright ©2000 - 2021, vBulletin Solutions, Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2021 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا