عرض مشاركة واحدة
قديم 18-06-2019, 12:43 PM   #3
كلمة طيبة
عضـو مُـبـدع


الصورة الرمزية كلمة طيبة
كلمة طيبة غير متواجد حالياً

بيانات اضافيه [ + ]
 رقم العضوية : 59349
 تاريخ التسجيل :  08 2018
 أخر زيارة : 30-09-2019 (11:17 PM)
 المشاركات : 745 [ + ]
 التقييم :  10
لوني المفضل : Cadetblue


اقتباس:
المشاركة الأصلية كتبت بواسطة سماء الندى مشاهدة المشاركة
السلام عليكم

مو عارفه كيف ابدا بس ببدا بدون مقدمات محتاجه افضفض واتكلم

انا بنت عمري 20 سنه من كان عمري 17 وانا اعاني من الوساوس (وسواس الموت والامراض) وخاصه في اوقات الاجازات وكنت اطيب منه بفضل الله

بس رجع لي هالوسواس مره ثانيه ولكن هالمره غير
صرت اوسوس بالذبحه الصدريه والسكتات الله يكفينا الشر ويبعدنا عنه

قبل اسبوع تعبت شوي ودخل فيني برد وكنت في حالة خمول وارهاق والام جسم ومن ضمنها منطقة الصدر اللي بالمنتصف، رحت كتبت بقوقل الام الجسم وكيف علاجه ومدري ليه كتبت الام الصدر وطلعت لي اشياء تخوف ذبحه صدريه وسكته قلبيه ومدري ايش وحسيت ان اعراضها فيني ، وجلست اقرا كل الاعراض وكلها كنت احسها حقيقه فيني ومن وقتها تنكدت ومعد احس بطعم اي شي

بديت اوسوس ورحت اصلي ادعي ربي وكل ماصليت اجلس ادعي مايجيني بس احس بضيقة صدر والام الكتف والظهر واعراض الذبحه الصدريه لازقه بدماغي وكل شوي احس فيها مع اني متأكده اني ماحس بألم بس يجيني وخزات ونغزات وفي شي يقولي ان هذي اعراض الذبحه

كلمت اهلي بس قالو مافيك الا العافيه لا تخافين بس انا ماني مرتاحه وخايفه وابي ابكي تخيلو كل ماسويت شي وشغلت نفسي بشي يجيني وسواس ان لما تسوين هالشي بتجيك الذبحه وتموتين واعراضك كلها ذبحه وبتموتين بين اهلك حسبي الله ونعم الوكيل بس
حتى صايره اكره وقت نومي

مازلت احس بنغزات او الالام ماني عارفه احدد بس ماهي مو قويه بمنتصف الصدر، وكتفي الايسر احس بالم فيها زي لما اسوي رياضه وتحت الابط الايسر، صحيح مافيني غثيان ولا اغماء ولا دوخه ولا عسر هضم ولا تعرق ولا ضيق تنفس والحمدلله انا نشيطه واسوي رياضه واكلي صحي نوعا ما بس ليه يجيني شي يقولي هذي اعراض الذبحه؟

انا برمضان حلمت حلم حلو بما فيه الرزق وانا اقرا بنفس الموقع قريت شي اذا حلم هالشخص فيه معناه يموت..
تخيلو بعد يومين حلمت بنفس هالحلم وكان مرعب وكابوس يخوف جدا!!!
مدري ليه كل هذا يصير فيني هل انا بموت صدق وكل هذي اشاره من الله او انه ابتلاني بهالوسواس اللي يدور اي طريقه ينكد علي حياتي

فيه احد صار معه هالشي يعني اعراضي هذي طبيعيه او صدق اعراض ذبحه صدريه وانا خايفه اروح الطبيب ويعطيني نتيجه عكسيه ياليت تفيدوني وتريحوني انا مدري ان كان هذا وسواس او لا
اعتذر اذا كان كلامي كثير وملخبط بس انا متضايقه من وضعي وهالوسواس الحقير
الله يديم علينا الصحه والعافيه ولا يورينا مكروه ويطول باعمارنا على طاعته ورضاه وبالسعاده والافراح

وعليكم السلام

أختي الغالية .. عنوان الموضوع وسواس الذبحة الصدرية
وأنت تعترفين أنه وسواس وهذة خطوة إيجابية ..

ثانيا .. أقول لك لاتقلقين أن شاء الله ليس بك شيء .. وبعض الناس بأختلاف الجو من الشتاء للصيف .. أو الصيف للشتاء .. تجيهم أعراض البرد والخمول وأحياناً الأكتئاب ..
وهذا بسبب الإنقلاب في الجو .. وتتعرض له كثير من المخلوقات أولها الأنسان .. حتى الحيوان يعاني من هذة الأعراض .. وتذهب الأعراض بعد فترة توازن نفسي وغذائي وتأقلم مع الجو ..

ثالثا .. لايؤخذ بكلام الأنرنت أختي الغالية .. فحتى الأطباء أنفسهم هناك كثير من الأمراض والأعراض تتشابه ..
ولهذا يتم عمل التحاليل والفحوص .. وتمرير الملف من طبيب لآخر في بعض الأحيان..
وأنت أستبقت الأحداث مع العلم أن عمرك 20 و كلام النت لايؤخذ به كثيرا ..

رابعا .. الأعتدال سيد المواقف .. أعتدل في الحركة.. أعتدل في الأكل .. أعتدل في التفكير .. هذا أساس الحياة الصحية السليمة ..

خامساً .. بالنسبة للأحلام التي تحلمينها .. إذا حلمت بشيء أسرك وأفرح قلبك ف لابأس .. وأن حلمت بشيء تكريهه وأزعجك ف تجاوزيه ..

ولأضرب لك مثال .. فهنا أنت تقومين بالبحث في النت .. فيحتفظ العقل بالمعلومات ويحولها الى أحلام .
.
بمعنى لو قرأتي عن الفراولة في النت قد يصنف عقلك الفراولة شيء جميل .. ويقوم بصنع حلم عن الفراولة ..
أنت في عالم وردي وبيت مصنوع من الفراولة الجميلة ..

وأن قرأتي عن الموت والاحلام المخيفة .. قد يصنفها عقلك في خانة مخاوف ومشاعر مزعجة ..
فتحلمي بالموت والأمور المخيفة التي قرأتي عنها .. ولكن بشكل متطور .. لأن العقل يزيد البهارات والتوابل ..

سادساً .. أنصحك بقراءة أية الكرسي قبل النوم ... وسورتين الفلق والناس .. وكثري تسبيح ..

وربنا يسعدك.. ويحفظك .. أختي الغالية .. سماء الندى


 
التعديل الأخير تم بواسطة كلمة طيبة ; 18-06-2019 الساعة 12:45 PM

رد مع اقتباس