عرض مشاركة واحدة
قديم 12-08-2018, 10:44 AM   #1
رهابي قلق
عضو جديد


الصورة الرمزية رهابي قلق
رهابي قلق غير متواجد حالياً

بيانات اضافيه [ + ]
 رقم العضوية : 59260
 تاريخ التسجيل :  07 2018
 أخر زيارة : 09-06-2019 (10:47 AM)
 المشاركات : 7 [ + ]
 التقييم :  10
لوني المفضل : Cadetblue
قوة وسرعة دقات القلب مع خوف



بسم الله الرحمن الرحيم

اخواني انا اعاني من تقريبا 20 سنه كان عمري 8 سنوات جتني حاله كاني في حلم بنسبه بسيطه يعني للواقع اقرب
والى الان طبعا والحمدلله ماضايقتني وانساها احيان
وقبل تقريباً 12 سنه صارت دقات قلبي اقوى واسرع وماهتميت بالموضوع لانها كانت خفيفه
وقبل 8 سنوات قدمت على وظيفه وكان مطلوب فحص شامل ومن ظمنها تخطيط القلب وانقبلت وارتحت قلت القلب سليم الحمدلله
طبعا احس بالتعب طوال اليوم
وقبل 3 سنوات تعبت وكنت استفرغ ورحت المستشفى كل شي سليم
وقبل سنتين جتني حاله 3 مرات يمكن غثيان وتعب وخفقان القلب قبل النوم ورحت الطواريء وكل شي سليم
وكم مره بعد مانام بنص ساعه تقريبا اصحى من النوم احس بغثيان وخوف من دون سبب وكثرة تبول الله يكرمكم كل 20 دقيقه
و كنت اخاف من الموت في هذه الحاله
ومن بعدها وانا من طبيب لطبيب اخر
واغلبها عيادة الباطنيه
طبعا اي مرض اقرا عنه في النت اشوف اعراضه فيني
سويت فحص شامل السنه اللي فاتت واللي قبلها
وصلت لمرحله كنت اتمنى بعد التحاليل يكون فيني مرض او اي عله كانت كنت ابي اتعالج
والحمدلله كل شي سليم
قبل 3 شهور رحت طبيب باطنيه قلت له اني احس بغثيان وخفقان قال مافي الم مافي اسهال الله يكرمكم اللي فيك شي نفسي انصحك تروح طبيب نفسي واعمل تخطيط قلب احتياط
رحت طبيب القلب سويت تخطيط قال اللي فيك شي نفسي القلب سليم 100٪

وقبل شهرين زادت دقات القلب والتعب زاد والارهاق
رحت عند طبيب نفسي قلت له اللي فيني صرف لي بروزاك حبه صباحا وثاني اسبوع حبتين
واندرال 40 صباحا و40 مساءً

وانا خواف صراحه لازم اقرا النشره
واشوف الاعراض الجانبيه وترددت وماخذتها
والى الان مادري اللي فيني نفسي ولا عضوي

قبل يومين رحت استشاري قلب سويت تخطيط قلب واشعة ايكو والحمدلله سليم
والدكتورة ماقصرت الله يجزاها خير كانت تسمع مني وقلت لها اللي صاير قالت الدكتور هذا ماعنده سالفه اندرال 40 حبتين في اليوم خطر ومانصحك تاخذها
ونصحتني بالرياضه اقل شي مشي ربع ساعه في اليوم

مشاكل عندي غير اللي ذكرت:
رهبه اجتماعيه متوسطه
تقلب المزاج والعصبيه
رعشة اليدين في بعض المواقف

اسف على الاطاله والله يشفيني ومرضى المسلمين يارب

المصدر: نفساني



 

رد مع اقتباس