عرض مشاركة واحدة
قديم 09-06-2019, 12:40 PM   #4
حجر الصوان
عضـو مُـبـدع


الصورة الرمزية حجر الصوان
حجر الصوان غير متواجد حالياً

بيانات اضافيه [ + ]
 رقم العضوية : 60145
 تاريخ التسجيل :  04 2019
 أخر زيارة : 29-07-2019 (09:45 AM)
 المشاركات : 369 [ + ]
 التقييم :  10
لوني المفضل : Cadetblue


بعيطيك مثال بسيط ع صحة كلامك في ما يتعلق بالدكاترة ،، بصراحقة قبل كمن يوم طفح الكيل عندي وقلت خلاص لازم اخذ ادوية وافتك وما عندي جرأه اخذ واجازف بدون وصفة طبيب .. قلت خله ادور على دكتور ... من حقي ابا دكتورة و مسلمة وسواسي اللي فيني يحتاج شخص مسلم يكلمني اتواصلت مع مركز الدكتورة المسلمة طلعت أنهت عقدها يعني وشي دكتورة ثانية مب مسلمة رفضت .. قلت مب مشكلة ابا دكتور ريال .. قالتلي مالت الرسبيشن شي دكتور هندي !! الله ربي !! يعني شو الموضوع الحين ما نتعالج ..

غيرت المركز قمت ادور في المراكز الخاصة اشكره اشكرة كلها عيادات تجارية لانها اصلا واقعة على شارع تجاري في مدينتي ! حصلت دكاترة عرب ومسلمين لكن المنطقة تجارية

قلت يلا مب مشكلة اتصلت بالزور حصلت وحدة مواطنة قلت وايد زين خير وبركه .. فتح ملف وياها وبتيلس تهذرب وياي 50 دقيقة ع 1500 درهم خيييير !!! شارية عقد ذهب انا !! شو هالتجارة ؟ قلت اوكي بتصل للمستشفيات الحكومية حصلت عيادة حكومية تخصص امراض نفسية بعدين اكتشفت انها مستشفى الميانين ههه صدق .. خذت موعد لكن بكنسله اخاف افتح ملف اورط نفسي أأثر على وظيفتي انا مب مينونه انا كاملة الأهلية بس عندي مرض نفسي يا جماعة اسمه وسواس قهري

قلت خله اسوي بحث عن الادوية طلعت الادوية هي نفسها مضادات الاكتئاب !! يعني من نفس شجرة العائلة انا مابا اكون في شي واصير في شي .. خفت الأدوية تضبط عندي شي نخلص من الوسواس ندخل فاكتئاب وساعات اقول لا لازم اخذ دوا ع الاقل مهدي

وانا اختك لين الحين ع حطت ايدك لا لاقية عيادة ثقة ولا استشاري ممتاز كله تجارة فتجارة وخايفة من الادوية بس احس احتاج وما اقدر اوصفها لنفسي

قلت مافي حل غير اني الزم الاستغفار .. اكيد ربي بيجعلي مخرج


 

رد مع اقتباس