المسلم أخو المسلم لا يظلمه ولا يسلمه، من كان في حاجة أخيه كان الله في حاجته، ومن فرج عن مسلم كربة فرج الله عنه بها كربة من كرب يوم القيامة، ومن ستر مسلماً ستره الله يوم القيامة.

 


 
العودة   نفساني > ملتقيات التجارب الشخصية والأبحاث > ملتقى أصحاب نوبات الهلع
 

ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص

ماني مصدقه ..كلكم فيكم نوبات هلع....

انا لي 4 سنوات اعاني من نوبات الهلع و كنت اروح من شيخ لشيخ عشان الرقيه ومن جد تعبت صار اي شي يرعبني ويبدا جسمي يرتعش واحس اني

إضافة رد
 
أدوات الموضوع
قديم 26-08-2009, 07:13 AM   #1
ماااايا
عضو جديد


الصورة الرمزية ماااايا
ماااايا غير متواجد حالياً

بيانات اضافيه [ + ]
 رقم العضوية : 28650
 تاريخ التسجيل :  08 2009
 أخر زيارة : 09-09-2009 (05:03 AM)
 المشاركات : 4 [ + ]
 التقييم :  10
لوني المفضل : Cadetblue
ماني مصدقه ..كلكم فيكم نوبات هلع....



انا لي 4 سنوات اعاني من نوبات الهلع
و كنت اروح من شيخ لشيخ عشان الرقيه ومن جد تعبت
صار اي شي يرعبني ويبدا جسمي يرتعش واحس اني بسكرات الموت..وبغصه وبروده باطرافي واحس انه في ورم براسي واني لازم ما اجلس لحالي عشان اذا صار لي شي يكون احد معاي و وصلت لدرجه اني كل يوم بالمستشفى ويحطون لي مغذي معاه منوم يالله انام..و وقت النوم بالنسبه لي عذااااااب..اخاف انام من الارق والخنقه والخوف واحس اني بموت..واقول لنفسي طيب واذا مت يعني مين اللي بيعمر واكون مقتنعه بهالشي بس ابقى خايفه
واثر هالشي علي وعلى حياتي صرت اخاف من كل شي كل شي كل شي ومتشائمه ومنعزله بسبب هالحاله وصرت اذا رحت لمكان حتى لو اعرفه اقول انا وين ؟؟واناظر الناس حولي واتاملهم واتسائل مين هذولاء الناس؟؟؟
و وصلت لدرجة اني باليوم الواحد اعاني من 3 -4 نوبات هلع
ومره كنت في مكتبة جرير وطاحت عيني على كتاب اسمه اضطراب الفزع للدكتور عبدالله السبيعي لفت نظري عنوانه وتصفحته ع السريع وكان ب5 ريال قلت خليني اخذه وامخمخ عليه
وفعلا اخذته ولما قريته انصدمت..الكتاب كان كانه يحكي عني..ومن وقتها عرفت اني اعاني من هالحالة النفسية..ولجأت من بعد الله الى طبيبه وصفت لي دواءlustral لوسترال بديت ب25mg بعدين 50mg بعدين 75mg لحد ما وصلت الان الى 100mg>>>وبصراحه اول شهرين من استخدام الدواء حسيت بعطش شديد وغثيان ودوخه
ومع اني مازلت استعمله للان وصار لي 9 شهور الا اني مازلت اعاني من دوخه وعطش والى الان تجيني نوبات هلع يعني ما احس اني استفدت قالت لي الدكتوره اني بحاجه الى تمارين تنفس واسترخاء بس مالقيت احد يدربني عليها..والدكتوره تقول العلاج باللوسترال لمدة سنه بس كورس واحد ..طيب كيف اوقفه وانا الى الان اعاني من هالمشكله؟؟؟وقالت لي بزيد لك الجرعه الى 200mg
بس انا خايفه ما ادري ايش اسوي هل استمر على هالدواء ولا لا ..وياريت اللي مثل حالتي واستخدموا لوسترال يقولون لي تجاربهم معاه..لا تبخلون علي..والله اني اعاني ولكن الحمد لله على كل حال كل اللي حولي يقولون لي كبري عقلك ايش نوبات هلع ارقي نفسك وبس
طيب انا ارقي نفسي ورقيت عند اكثر من شيخ اخف كم يوم وارجع اشد من اول ..بس ما احد متفهم حالتي كلهم يضحكون علي وما يسموني الا (الخوافه) والله تعبت نفسيتي اكثر ومرررررررررررره فرحت يوم شفت منتدى كامل لنوبات الهلع عرفت انه فيه كثير زي حالتي ..صحيح ضاق صدري على حالتنا كلنا ..بس اللي فرحني انه فيه ناس طبيعيين ومهتمين بهالموضوع ومتفهمين..وابغى من كل قلبي اشكر كل شخص ساهم بهالمنتدر الرائع (وعبرنا وعطانا وجه) واهتم بنفسيتنا مشكووووووورين جميعا واعذروني ع الاطاله بس ماني مصدقه انه القى احد مهتم بالpanic attacks
المصدر: نفساني



 

رد مع اقتباس
قديم 27-08-2009, 01:16 AM   #2
جهراوي
عضو نشط


الصورة الرمزية جهراوي
جهراوي غير متواجد حالياً

بيانات اضافيه [ + ]
 رقم العضوية : 28291
 تاريخ التسجيل :  07 2009
 أخر زيارة : 29-09-2016 (10:54 AM)
 المشاركات : 216 [ + ]
 التقييم :  10
لوني المفضل : Cadetblue


اهلا فيك اختنا ماايا وكل عام وانتي بخير يااارب


تقولين انك مو مصدقة انة فية ناس مثلك تعاني )) غيرك كثييييير وازود فية ناس ماتقدر توصل للمنتدي

ناس كثر عندهم نوبات هلع وقلق اختي / كل الاعراض اللي ذكرتيها كلها اعاني منها وفية ناس اتعس منا بكثيييير

والحمدلله علي كل حال ،، الرقية زينة حتي للي مافية شي لكن لازم تعرفين انة اللي معاك هي نوبات هلع

او اضطراب الفزع او الهلع يبيلة علاج منتظم عند طبيب ممتاز تتابعين الحالة عندة لين ماتخف عنك وتخف

تدريجيا بأذن الله لكن العلاج مهم مهم جدا غير . والله يااختي كنت قبل في دوامة طويلة طويلة مع الاطباء

لين اهداني الله سبحانة وعرفت انة مجرد قلق ونقص السيروتنين في المخ وان الحكاية هذي تبي علاج حتي

تخف وتزول .. علاج اللوسترال انا ماجربتة اكيد من الاخوان احد جربة يفيدك اكثر انا حاليا استعمل

السبراليكس 20


عندي استفسار اختي مايا علي واحد من الاعراض اللي ذكرتيها اللي ذبحني الي اليوم اللي هـــو غصـة بالحلـق

شلونها معاك حاليا وهل خفت ؟ وابي اعراف شنو تحسين في منطقة الغصة


اســـأل الله لكــــي الشفــــاء والصحـــة والعافيـــة


 

رد مع اقتباس
قديم 27-08-2009, 07:59 AM   #3
ماااايا
عضو جديد


الصورة الرمزية ماااايا
ماااايا غير متواجد حالياً

بيانات اضافيه [ + ]
 رقم العضوية : 28650
 تاريخ التسجيل :  08 2009
 أخر زيارة : 09-09-2009 (05:03 AM)
 المشاركات : 4 [ + ]
 التقييم :  10
لوني المفضل : Cadetblue


هلا والله اخوي جهراوي...فعلا اللي يشوف مصيبة غيره تهون عليه مصيبته والحمدلله على كل حال..
انا الحمدلله منتظمه مع طبيبه وهي نفسها اللي وصفت لي اللوسترال وقالت لي فعلا نفس كلامك انه نقص سيروتونين بالمخ..وانا بالاضافه لكل هالاعراض مازلت اعاني من الغصة ..وهي الوحيده اللي ماخفت ابد..يعني باقي الاعراض احيانا تخف شوي او تروح واحيانا تسيمر معاي لفتره..
الا الغصة بالحلق ماراحت ولا خفت..واحس في رقبتي يعني من الحنجره من قدام وكانه الحنجره مايله يعني ماهي بمكانها صح..واحس كانه فيه شي ببلعه بس ما ينبلع واحيانا احاول احرك حنجرتي اقول يمكن متحركه عن مكانها ..وطبعا انا عارفه انه هالشي من اعراض نوبات الهلع بس بوقتها احاول اشرب مويه تكون بارده شوي واحاول احس فيها وهي تنزل عشان اتاكد انه ما فيه شي مسدود...واوقات ما اقدر اكل احس اني بغص واوقف اكل او اكل وابلع بسرعه عشان ماتوقف اللقمه بحلقي وانخنق.....والله يا خوي معاناة بس الشكوى لله واذا ربي اراد لنا شفاء بيشفينا ان شاء الله ..طالما احنا متوكلين عليه وعاملين بالاسباب(رقيه شرعية- عيادات نفسيه- ادويه ...الخ الخ) ومشكوووور ع مرورك من جد اسعدني والله يشرح صدرك وييسر امرك ويدفع عنك كل سوء يارب..وانا الحين دوري اسالك انت وش تحس فيه في منطقة الغصه ومن متى انت تعاني من نوبات الهلع؟؟؟


 

رد مع اقتباس
قديم 27-08-2009, 11:09 PM   #4
عيون بدوية
عضو نشط


الصورة الرمزية عيون بدوية
عيون بدوية غير متواجد حالياً

بيانات اضافيه [ + ]
 رقم العضوية : 23328
 تاريخ التسجيل :  03 2008
 أخر زيارة : 15-05-2013 (09:18 AM)
 المشاركات : 120 [ + ]
 التقييم :  10
لوني المفضل : Cadetblue


أسأل الله الكريم في هذا الشهر الفضيل أن يشفيني و يشفيك و جميع المسلمين ..

اللهم آمين

بالنسبة لي يا غالية جربت السيروكسات و الآن البروزاك

لا بد لنا من الاستمرار على الرقية الشرعية

ألا بذكر الله تطمئن القلوب


 

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:41 PM


Powered by vBulletin® Version 3.8.11
Copyright ©2000 - 2019, vBulletin Solutions, Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2019 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا